إرشادات وتعليمات استخدام خدمة الدفع بالتقسيط عن طريق تابي Tabby
1. ما هي تابي؟
أسهل طريقة دفع رقمية تمنحك الأمان والمرونة في شراء كل اللي تحتاجه الحين والدفع بعدين بدون أية فوائد أو رسوم إضافية.
2. كيف أقدر استخدم تابي؟
لا حاجة للتسجيل المسبق مع تابي بمجرد اختيارك للدفع عبر تابي عند التسوق من متجرنا راح تظهر لك خطوات إتمام عملية الشراء. وعند إتمام أول عملية شراء بواسطة تابي، راح ينشئ لك حساب تلقائياً في تابي مرتبط برقم هاتفك.
3. هل يوجد عمر معيّن لاستخدام تابي؟
نعم. لازم يكون عمرك 18 سنة فما فوق.
4. ليه أحتاج بطاقة الهوية للتسجيل مع تابي؟
عند التسجيل لأول مرة في تابي، يتم التأكد من هويتك لضمان عدم حدوث أي سوء استعمال لبياناتك الخاصة بالمدفوعات والمشتريات لأي شخص غير مخوّل. تطمّن، تابي تتّبع أعلى معايير الأمان لجمع وحفظ معلوماتك بطريقة آمنة.
5. ما هي رسوم استخدام تابي؟
تابي تخدمك بدون أيّ فوائد أو رسوم مضافة طوال التزامك بالدفع في الوقت.
6. لماذا لم يتم قبول طلبي للدفع عبر تابي؟
قد يتم رفض طلبك للدفع لأحد هالأسباب:
أ. لم تقم بتأكيد هويتك.
ب. نسيت تعبئة أحد الحقول المهمة مثل عنوان الاستلام كاملاً.
ج. عدم قيامك بسداد دفعاتك السابقة.
د. قيمة مشترياتك أقل من الحد الأدنى المسموح لاستخدام تابي في المتجر أو فوق الحد الأعلى لعملية شراء واحدة. ويختلف الحد الأدنى والأعلى حسب المتجر.
7. كيف أنشئ حساب في تابي؟
يتم إنشاء حساب جديد لك تلقائياً عند الدفع عبر تابي في متجرنا وبإمكانك التسجيل مباشرة مع تابي عبر الموقع أو التطبيق الإلكتروني الخاص بتابي.
8.كيف أعرف تاريخ استحقاق الدفع؟
عندك 14 يوم للدفع بعد الشراء وراح يتم تذكّيرك بمواعيد الدفع عن طريق الإيميل والرسايل النصية. وتقدر تشيّك على كل دفعاتك المستحقة من حسابك في تابي.
9. نزل لي دفعة مستحقة وأنا ما استلمت مشترياتي!
ولا يهمّك! تواصل مع تابي وقول لهم عن المشكلة. فريق تابي راح يعدّل حسابك وما بتحتاج للدفع إلى أن تنحل الإشكالية.
10. هل فيه رسوم على التأخير؟ وايش يصير إذا فاتني موعد الدفع؟
مهمّة تابي أنها تسهّل عليك إدارة أموالك وصرفها بمسؤولية. ومن كذا، تحرص تابي على تذكيرك بمواعيد تسديد الدفعات. في حال تأخرت عن تسديد الدفعة، ما راح تقدر تتسوّق عن طريق تابي إلى أن تسدد المبلغ المستحق عليك.
بالنسبة لرسوم التأخير، إذا تأخرت عن الدفع يوم واحد راح تكون الرسوم 15 / د.إ وإذا تأخرت لمدة أسبوعين راح ينزاد على الرسوم 30 / د.إ وفي حال تأخرت أكثر من 4 أسابيع عن موعد الاستحقاق المبدئي راح ينزاد على الرسوم 60 / د.إ
رسوم التأخير ما راح تعتمد على مبلغ الشراء، وتم تحديد الحد الأقصى لرسوم التأخير بنسبة 40% من مبلغ الشراء الأولي، ولكن يفضل إذا قمت بسداد كل دفعاتك أول بأول.
11. ليش رصيد حسابي مغلق في تابي؟
أحيانًا ما راح تقدر تتسوّق عن طريق تابي بسبب حالة من هالحالات:
في حال اخترت الدفع مع تابي وما سدّدت الدفعة المستحقة السابقة. بمجرد ما تسدّد الدفعة المستحقة لأول عملية تسوق مع تابي راح تقدر تفتح الحد الائتماني لك وتتسوّق بدون ما تتجاوزه.
في حال كان عندك حد ائتماني بس ما يكفي لتغطية قيمة مشترياتك.
12. كيف أدفع قيمة مشترياتي؟
تقدر تدفع قيمة مشترياتك بأيّ وقت قبل موعد الاستحقاق. ببساطة سجل الدخول على حسابك في تابي وادفع المبلغ بطريقة آمنة. وتطمّن، تابي تتّبع طرق اتصالات آمنة ومحمية بأحدث بروتوكولات الأمان في هالمجال.
13. هل يتم خصم المبالغ آلياً من بطاقتي عند حلول موعد سداد الدفعة؟
نعم، في حالة قيامك بالدفع عبر بطاقة ائتمانية (فيزا/ماستر كارد). أما في حالة قيامك بالدفع عبر بطاقة مدى، راح يرسل لك رسالة نصية قبل موعد الدفع لتقوم بالسداد عبر حسابك في تابي.
14. ما وصلتني مشترياتي، ايش الحل؟
في حال ما وصلك الطلب، تواصل مع المتجر اللي تسوّقت منه لأن تابي مالها دور بتسليم الطلب. و لو ما قدرت تتواصل مع المتجر، تواصل مع تابي و راح يساعدوك.
15. ايش يصير لو قرّرت ألغي أو أرجّع طلبيتي؟
الإلغاء أو الاسترجاع راح يكون اتّباعًا لسياسة المتجر اللي تعاملت معاه. إذا قرّرت تلغي أو ترجّع طلبيتك، تواصل مع المتجر مباشرة. راح تكون مطالب بتسديد الدفعة إلى أن يتواصل المتجر مع تابي ويبلّغه بالإلغاء. وأيّ مبلغ دفعته عن طريق تابي راح تقدر تسترجعه إذا وافق المتجر على الاسترجاع.
16. كيف أقدر استعيد أيّ مبلغ من تابي؟
تواصل مع المتجر اللي تسوّقت منه و راح يبلّغونك إذا تقدر ترجّع المنتج وتسترد المبلغ بناءً على سياسة الاسترجاع عندهم. في حال وافق المتجر على إرجاع المنتج، بيظهر لك في حسابك على تابي بمجرد ما يبلّغ المتجر موافقته على الاسترجاع. هالعملية عادةً تأخذ يومين عمل.
وفي حال حبيت ترجّع المنتج وأنت ما دفعت قيمته، ستقوم تابي بخصم مبلغ المنتج المرجع من دفعاتك القادمة.
وإذا كنت دافع قيمة المنتج اللي حاب ترجّعه، راح يرجع لك المبلغ مباشرة في بطاقة الائتمان أو البطاقة البنكية اللي استخدمتها للدفع.
17. وين ألقى خيار استرداد المبلغ على حسابي في تابي؟
بعد ما يوافق المتجر على استرجاع المنتج راح تظهر لك حالة الاسترداد في حسابك على تابي. وعشان تشيّك على حالة الاسترداد اتبع هالخطوات:
ادخل حسابك في تابي - اختار عملية الشراء - راح يظهر لك إجراء استرداد المبلغ.
وفي حال ما لقيت إجراء استرداد المبلغ و اللي من المفترض تلقاه برصيد حسابك خلال 3 إلى 4 أيام عمل، تواصل مع تابي ورح يساعدوك.
18. وش معنى المبلغ الموجود في حسابي على تابي؟
إذا لقيت مبلغ في حسابك على تابي راح يكون لأحد هالأسباب:
دفعت مبلغ أكبر من قيمة مشترياتك.
دفعت قيمة طلبيتك وبعدين رجّعت بعض أو كل مشترياتك.
19. كيف ألغي طلبي؟
إذا حبيت تلغي أو ترجّع الطلب، تواصل مع المتجر اللي تسوّقت منه و راح يرجع لك المبلغ اللي دفعته.
20. هل تحمي تابي معلوماتي الشخصية؟
تابي تتّبع أعلى معايير الأمان سواءً للدفع أو لحفظ المعلومات الشخصية عشان تحافظ على خصوصيتك وأمانك. معلوماتك الشخصية بأمان وما راح يطّلع عليها إلا الأشخاص والجهات المخولة فقط..
إذا عندك أي سؤال عن خدمة تابي يمكن تراسلهم مباشرة على عنوان البريد التالي: [email protected]
